طريقة بعض الشباب الليبي أثناء التعارف ,,,,

السلام عليكم ورحمة الله وبركاته ,,,

يسعد مساء الجميع بكل خير ,,
الصراحة بعد التجارب الصريحة والمأكدة حبيت أطرح موضوع يختص بتعارف الشباب الليبي عن البنات ,, (( طبعا مش كل الشباب )) بس أكثرهم بهذه الطريقة المرعبة ,,

بالنسة للتعارف على التاجد او مكتوب او اى منتدى تعارف ::

الخطوات المتتبعة من قبل كل شاب يدخل على هده المواقع هي

1 / اذا كانت الصورة لبنت جميلة او جدابة وهو عارف انها صورة فنانة او ممثلة (لا يهم) يدخل البروفايل مرة واتنين ,,
2 / يبعت كومنت حلو ورومنسي يدل على انه شاب محترم وحاب يكون صداقات لا اكتر ولا اقل ,,
3 / يدخل للبرايفت مسج ويصبح او يمسي بكلام حلو لكن في المسج التاني يعرف بروحه وبأسمه وشخصيته ,,
4 / المسج الثالت يعطي ايميله بحجة ان التشات بطئ هلبة عالتاجد او اي منتدى أخر ,,
5 / بعد ما يتعرف على الياهو يبدا يعطي فمقدمات لانه مرات يكون مشغول أو مايحبش النت هلبة وانه اغلبية الوقت في السيارة ووو ,, ألخ ,,
(فمعليشي نبعتلك تليفوني ادا ماعندك مانع لاني مستريح معاك هلبة وحاب نتكلم معاك ونسمع صوتك) ومن دون مايسمع الرد يبعت رقمه الليبيانا علاش ؟؟؟ لانها بنت فهي اكيد تليفونها ليبيانا ولما يلقاه عندها مدار يقوللها (انا المدار مانعطيش فيه لاي حد الأ انتي بس توا) يعرفوه صحابي بس.وبعد مكالمة واتنين , , لو سمحتي (ممكن انشوفك في اقرب وقت) والله انا مسافر بعد بكرى ومش حنجي قبل اسبوعين عندي ضغط شغل هلبة البرا والوالد ضاغط عليا وعارف اني نهني .

الحالة الأولة ::
اذا تلاقوا وعجباته يكلمها في الليل يقوللها(عندي ليك خبر حلو السفرة تأجلت أمتي انشوفك تاني)
الحالة التانية ::
وادا ماعجباتاش حيقول والله حنحاول نكلمك من غادي لو حصلت وقت وغدوة ماعتقدش اني حنكلمك مش حنكون فاضي وتوا نستادن منك بنرقد بكري باش نلحق على الطيارة بكري ) وهكي يكون في نظرها سافر وبجي بعد اسبوعين وفي نظره هو موجود ومعادش راجع ليها نهائي ,,,
,,,,,,,,,

طبعا تعتبر هذه مجرد طريقة توضيحية فقط ,, بس أكيد كل شاب له صيغته وطريقة كلامه ,,

أسف يا شبـــاب لا تزعلو مني فأنا سبق لي وأن قلت (( ليس كل الشباب )) بس حبيت نوضح فقط طريقة بعض الشباب الليبي أثناء التعارف ,,

لكم مني جزيل الشكر والأحترام ,,
تقبلو مني تلك الموضوع ,, والسلام عليكم ورحمة الله
انتظر تعليقاتكم

مشكور يا زينه كلامك كله الصح واكيد مش كل الشباب
تحيااااااتى

مشكورة زينة والله يهديهم

ههههههههههههههههههههههههههههههههههههههههههههههه
مشكوره زينه كلامك صح لاكن فيه منه غلط هههههههههههههههههه ض1 شكرا

هههههههههههههههههههههههههه
والله صح والمشكلة فى البداية ملاك وايشحت لين قريب روحه تطلع لين مرات ايحنن ولكن بعد يشحك على قولتك كان عجبتى كمل امعاك وكان هذا كان الله ويبقى الله وايخش باسم تانى والى ال.....خ

البرنسيسه
اسفـــــــــــــــــــــــــــــة